ಬೆಂಗಳೂರು :ಬಿಗ್ ಬಾಸ್ ನಲ್ಲಿ ರಕ್ಷಿತಾ ಶೆಟ್ಟಿ ಯನ್ನು ಹಾಡಿ ಹೊಗಳಿದ ಕಿಚ್ಚ ಸುದೀಪ್..!!
ಬೆಂಗಳೂರು :ಕರಾವಳಿ ಮೂಲದ ರಕ್ಷಿತಾ ಶೆಟ್ಟಿ ಬಿಗ್ ಬಾಸ್ ಮನೆಯಲ್ಲಿ ತಮ್ಮ ಅದ್ಭುತ ಆಟದ ಮೂಲಕ ಪ್ರೇಕ್ಷಕರನ್ನು ರಂಜಿಸುತ್ತಿದ್ದಾರೆ. ಅವರ ಸಿಹಿ ಮಾತುಗಳು ಮತ್ತು ಕನ್ನಡ ಮಾತನಾಡುವ ಪ್ರಯತ್ನಗಳು ವೀಕ್ಷಕರ ಗಮನ ಸೆಳೆಯುತ್ತಿವೆ. ಅಷ್ಟೇ ಅಲ್ಲ, ಕಳೆದ ವಾರ, ಗಿಲ್ಲಿ ಅವರ ಮಾತುಗಳನ್ನು ಕೇಳಿ ರಕ್ಷಿತಾ ಅವರ ಆಟ ಹಾಳುಮಾಡಿಕೊಂಡಿದ್ದರು. ಅದೇ ಕಾರಣಕ್ಕೆ ಕಿಚ್ಚ ಸುದೀಪ್ ಈ ವಿಷಯದ ಬಗ್ಗೆ ರಕ್ಷಿತಾ ಅವರಿಗೆ ಕ್ಲಾಸ್ ತೆಗೆದುಕೊಂಡಿದ್ದರು.
ಆದರೆ ರಕ್ಷಿತಾ ಸುದೀಪ್ ಅವರ ಮಾತುಗಳನ್ನು ಸಕಾರಾತ್ಮಕವಾಗಿ ತೆಗೆದುಕೊಂಡು ಈ ವಾರ ತನ್ನದೇ ಆದ ರೀತಿಯಲ್ಲಿ ಚೆನ್ನಾಗಿ ಆಡಿದ್ದಾರೆ. ಅವರು ಎಲ್ಲಾ ಟಾಸ್ಕ್ಗಳಲ್ಲಿ ಚೆನ್ನಾಗಿ ಆಡಿದ್ದಲ್ಲದೆ, ಮಾನವೀಯತೆಯನ್ನೂ ಮೆರೆದಿದ್ದಾರೆ. ಇದೇ ಕಾರಣಗಳನ್ನು ಪರಿಗಣಿಸಿ ರಕ್ಷಿತಾಗೆ ಈ ವಾರ ಕಿಚ್ಚನ ಚಪ್ಪಾಳೆ ಸಿಕ್ಕಿದೆ.
ಕಳೆದ ವಾರ, ರಕ್ಷಿತಾ ಶೆಟ್ಟಿ ಮತ್ತು ಗಿಲ್ಲಿ ಟಾಸ್ಕ್ನಲ್ಲಿ ಬೇರೆ ಬೇರೆ ತಂಡಗಳಲ್ಲಿದ್ದರು. ಅದೇ ರೀತಿ, ರಕ್ಷಿತಾ ಅವರ ತಂಡವು ಪಂದ್ಯವನ್ನು ಗೆದ್ದಿತು. ಈ ಕಾರಣಕ್ಕಾಗಿ, ಅವರ ತಂಡದ ಒಬ್ಬ ಸದಸ್ಯರನ್ನು ನಾಮನಿರ್ದೇಶನದಿಂದ ರಕ್ಷಿಸಬೇಕಾಗಿತ್ತು. ಈ ನಿರ್ಧಾರವನ್ನು ಸರ್ವಾನುಮತದಿಂದ ತೆಗೆದುಕೊಳ್ಳಬೇಕಾಗಿತ್ತು. ಇದನ್ನು ಚರ್ಚಿಸಲು ಹೊರಡುವ ಮೊದಲು, ಗಿಲ್ಲಿ ರಕ್ಷಿತಾ ಶೆಟ್ಟಿ ಅವರೊಂದಿಗೆ ಮಾತನಾಡಿದ್ದರು. “ಏನೇ ಆಗಲಿ ರಕ್ಷಿತಾ, ನೀನು ನಿನ್ನ ನಿರ್ಧಾರ ಬಿಡಬಾರದು” ಎಂದು ಗಿಲ್ಲಿ ರಕ್ಷಿತಾಗೆ ಹೇಳಿದ್ದಳು. ಕಳೆದ ವಾರ ಕಿಚ್ಚ ಈ ಬಗ್ಗೆ ಪ್ರಸ್ತಾಪಿಸಿ ರಕ್ಷಿತಾಗೆ ಕ್ಲಾಸ್ ತೆಗೆದುಕೊಂಡಿದ್ದರು.
ರಕ್ಷಿತಾ ತನ್ನ ನೇರಾ ಮಾತು, ನೇರ ನುಡಿಯಿಂದ ಎಲ್ಲರಿಗೂ ಇಷ್ಟ ಆಗಿದ್ದರು . ಇಷ್ಟು ದಿನ ಯಾರಿಗೂ ತಲೆಕೆಡಿಸಿಕೊಳ್ಳದೇ ಆಟವಾಡಿದ್ದ ರಕ್ಷಿತಾ, ಕಳೆದ ವಾರ ಮಾತ್ರ ಗಿಲ್ಲಿ ತಾಳಕ್ಕೆ ತಕ್ಕಂತೆ ಕುಣಿದು ಬಿಟ್ಟಿದ್ದರು. ಹೀಗಾಗಿ ಕಳೆದ ವೀಕೆಂಡ್ ನಲ್ಲಿ ರಕ್ಷಿತಾ ಶೆಟ್ಟಿಗೆ ಕೆಲವೊಂದು ವಿಚಾರಗಳನ್ನು ಸುದೀಪ್ ಅರ್ಥಮಾಡಿಸಿದ್ದರು.