ಮಳೆಗಾಲ: ಆರ್ದ್ರ ವಾತಾವರಣದಿಂದ ಮನೆಯೊಳಗೆ ಬರುವ ಜರಿ ಹುಳು ಸೇರಿದಂತೆ ವಿವಿಧ ಕೀಟಗಳು.!! ಈ ಕೀಟಗಳು ಮನೆಯೊಳಗೆ ಬರುವುದನ್ನು ತಡೆಯಲು ತಜ್ಞರು ನೀಡಿರುವ ಸಲಹೆಗಳು ಏನು??.

ಮಳೆಗಾಲ ಬಂದರೆ ಸೂರ್ಯನ ದರ್ಶನ ಅಪರೂಪವಾಗುತ್ತದೆ. ಮಳೆಗಾಲದಲ್ಲಿನ ಆರ್ದ್ರತೆ ಹಾಗೂ ಶೀತ ವಾತಾವರಣದಿಂದ ವಿವಿಧ ಕೀಟಗಳು ಮನೆಯೊಳಗೆ ಬರುತ್ತವೆ. ಜರಿ ಹುಳು, ಚೇರಟೆ ಹುಳು, ಗೊಂಡೆ ಹುಳು ಸೇರಿದಂತೆ ವಿವಿಧ ಕೀಟಗಳೂ ಸಹ ಬರುತ್ತವೆ. ಈ ಹುಳುಗಳು ಅಷ್ಟು ಅಪಾಯಕಾರಿಯಲ್ಲದಿದ್ದರೂ, ಅವುಗಳನ್ನು ಮನೆಯಲ್ಲಿ ನೋಡಿದರೆ ಮನಸ್ಸಿಗೆ ಕಿರಿಕಿರಿ ಉಂಟಾಗುತ್ತದೆ.

ಜರಿ ಹುಳು ಕಚ್ಚಿದರೆ, ಸೋಂಕುಗಳು ಹಾಗೂ ಉರಿಯೂತ ಉಂಟಾಗುತ್ತದೆ. ಬೇರೆ ಕೀಟಗಳು ಮನೆಯಲ್ಲಿ ಕಾಣಿಸಿದರೆ ಕಿರಿಕಿರಿಯಾಗುತ್ತದೆ. ಆರ್ದ್ರ ವಾತಾವರಣದಿಂದಾಗಿ ಮನೆಗಳಲ್ಲಿ ಚೇರಟೆ ಹುಳು, ಗೊಂಡೆ ಹುಳು ಹೆಚ್ಚಾಗಿ ಕಂಡುಬರುತ್ತವೆ. ನಿಮಗಾಗಿ ತಜ್ಞರು ಕೆಲವು ಸಲಹೆಗಳನ್ನು ನೀಡಿದ್ದಾರೆ. ಇವುಗಳನ್ನು ಅನುಸರಿಸಿದರೆ, ಈ ಕೀಟಗಳು ಮನೆಯೊಳಗೆ ಬರದಂತೆ ನೋಡಿಕೊಳ್ಳಬೇಕಾಗುತ್ತದೆ.

ಬೋರಿಕ್ ಪೌಡರ್: ಮನೆಯೊಳಗೆ ಹುಳಗಳನ್ನು ತೊಡೆದುಹಾಕಲು ಬೋರಿಕ್ ಪೌಡರ್ ಉಪಯೋಗಿಸಬಹುದು. ಬೋರಿಕ್ ಪೌಡರ್ ಬಳಕೆಯಿಂದ ಜರಿ ಹುಳು, ಚೇರಟೆ ಹುಳು, ಗೊಂಡೆ ಹುಳು ಹಾಗೂ ಇತರೆ ಹುಳುಗಳಿಗೆ ತುಂಬಾ ವಿಷಕಾರಿಯಾಗಿದೆ. ಈ ಹುಳುಗಳು ಹೆಚ್ಚಾಗಿ ಕಂಡುಬರುವ ಪ್ರದೇಶಗಳಲ್ಲಿ ಈ ಪುಡಿಯನ್ನು ಸಿಂಪಡಿಸಬಹುದು. ಇದರಿಂದ ಕೀಟಗಳನ್ನು ಬರದಂತೆ ತಡೆಯುತ್ತದೆ. ಜರಿ ಹುಳಗಳು ಹೆಚ್ಚಾಗಿ ಸಿಂಕ್ ಅಡಿಯಲ್ಲಿ ಶೌಚಾಲಯದ ಸುತ್ತಲೂ ತಂಪಾಗಿರುವ ಜಾಗಗಳಲ್ಲಿ ಹೆಚ್ಚು ಕಂಡುಬರುತ್ತವೆ. ಅಂತಹ ಪ್ರದೇಶಗಳಲ್ಲಿ ಬೋರಿಕ್ ಪೌಡರ್ ಅನ್ನು ಸಿಂಪಡಿಸಬೇಕು ಎಂದು ತಜ್ಞರು ತಿಳಿಸುತ್ತಾರೆ.

ಮನೆಯಲ್ಲಿ ಸ್ವಚ್ಛತೆ ಕಾಪಾಡಿ: ಮನೆಯಲ್ಲಿ ತೇವಯುತ, ಕೊಳಕು ಸ್ಥಳಗಳಲ್ಲಿ ಜರಿ ಹುಳು, ಚೇರಟೆ ಹುಳು, ಗೊಂಡೆ ಹುಳು ಬರುವ ಸಾಧ್ಯತೆ ಹೆಚ್ಚು. ಸ್ಥಳಗಳನ್ನು ಆಗಾಗ್ಗೆ ಸ್ವಚ್ಛಗೊಳಿಸಿ ನೈರ್ಮಲ್ಯವನ್ನು ಕಾಪಾಡಬೇಕಾಗುತ್ತದೆ. ಬಾತ್ರೂಮ್ ಮತ್ತು ಅಡುಗೆಮನೆಯಂತಹ ಸ್ಥಳಗಳನ್ನು ಯಾವಾಗಲೂ ಸ್ವಚ್ಛವಾಗಿರಿಸಬೇಕಾಗುತ್ತದೆ. ನೆಲ ಒರೆಸಿದ ನಂತರ, ಫ್ಯಾನ್ ಆನ್ ಮಾಡಿ ಹಾಗೂ ಆ ಸ್ಥಳಗಳನ್ನು ತ್ವರಿತವಾಗಿ ಒಣಗಿಸಿ. ಕಾಲಕಾಲಕ್ಕೆ ಸಿಂಕ್ ಮತ್ತು ಸ್ನಾನಗೃಹಗಳನ್ನು ಸ್ವಚ್ಛಗೊಳಿಸಬೇಕಾಗುತ್ತದೆ ಎಂದು ತಜ್ಞರು ತಿಳಿಸುತ್ತಾರೆ.

ಬೇವಿನ ಎಣ್ಣೆ: ಬೇವಿನ ಎಣ್ಣೆಯನ್ನು ಕೀಟಗಳನ್ನು ತೊಡೆದುಹಾಕಲು ಉಪಯೋಗಿಸಬಹುದು. ಬ್ಯಾಕ್ಟೀರಿಯಾ ವಿರೋಧಿ ಹಾಗೂ ಶಿಲೀಂಧ್ರನಾಶಕ ಗುಣಗಳು ಬೇವಿನ ಎಣ್ಣೆಯಲ್ಲಿ ಅಡಗಿವೆ. ಈ ಬೇವಿನ ಎಣ್ಣೆಯು ಅನೇಕ ಕೀಟನಾಶ ಗುಣಗಳನ್ನು ಹೊಂದಿದೆ. ಇದನ್ನು ನೀರಿನೊಂದಿಗೆ ಬೆರೆಸಿ ಹುಳುಗಳು ಕಂಡುಬರುವ ಪ್ರದೇಶಗಳಲ್ಲಿ ಸಿಂಪಡಿಸಬಹುದು. ಬಯಸಿದಲ್ಲಿ ಮನೆಯನ್ನು ಸ್ವಚ್ಛಗೊಳಿಸಲು ಹಾಗೂ ಮನೆಯ ನೆಲ ಒರೆಸಲು ನೀವು ಬಳಸುವ ನೀರಿನೊಂದಿಗೆ ಬೆರೆಸಿ ಬಳಕೆ ಮಾಡಬಹುದು.

ಬಿಳಿ ವಿನೆಗರ್: ಜರಿ ಹುಳುಗಳು ಹೆಚ್ಚಾಗಿ ಸ್ನಾನಗೃಹ ಅಥವಾ ಅಡುಗೆಮನೆಯಲ್ಲಿ ಕಂಡುಬರುತ್ತವೆ. ಅವುಗಳನ್ನು ತೊಡೆದುಹಾಕಲು ನೀವು ಬಿಳಿ ವಿನೆಗರ್ ಅನ್ನು ಬಳಸಬಹುದು. ಡೆಟಾಲ್ ಅನ್ನು ವಿನೆಗರ್‌ನೊಂದಿಗೆ ಚೆನ್ನಾಗಿ ಬೆರೆಸಬಹುದು. ಚೆನ್ನಾಗಿ ಮಿಶ್ರಣ ಮಾಡಿದ ನಂತರ, ಈ ಮಿಶ್ರಣವನ್ನು ಸ್ಪ್ರೇ ಬಾಟಲಿಯಲ್ಲಿ ತೆಗೆದುಕೊಳ್ಳಿ. ಇದನ್ನು ಸಿಂಕ್ ಸೇರಿದಂತೆ ತೆವಯುತ ಪ್ರದೇಶಗಳಲ್ಲಿ ಸ್ಪ್ರೇ ಮಾಡಬಹುದು. ಈ ಮಿಶ್ರಣದಿಂದ ಮನೆ ಹಾಗೂ ಸ್ನಾನಗೃಹವನ್ನು ಒರೆಸಬಹುದು. ಹೀಗೆ ಮಾಡುವುದರಿಂದ ಈ ಹುಳುಗಳು ಮನೆಯಲ್ಲಿ ಕಾಣಿಸಿಕೊಳ್ಳುವುದಿಲ್ಲ ಎನ್ನುತ್ತಾರೆ ತಜ್ಞರು.

ಉಪ್ಪು: ನಾವು ಅಡುಗೆಗೆ ಬಳಸುವ ಉಪ್ಪಿನಿಂದಲೂ ಮನೆಯಿಂದ ಹುಳುಗಳನ್ನು ದೂರವಿಡುತ್ತದೆ. ಡ್ರೈನ್ ಹೋಲ್ ಮೇಲೆ ಉಪ್ಪು ಹಾಕಿ ಹಾಗೂ ಸ್ನಾನಗೃಹದಲ್ಲಿರುವ ಸಿಂಕ್​ನಲ್ಲಿ ಹಾಕಬಹುದು. ಜರಿ ಹುಳು ಉಪ್ಪಿನ ಸಂಪರ್ಕಕ್ಕೆ ಬಂದಾಗ ಬಹಳ ಕಿರಿಕಿರಿಯನ್ನು ಅನುಭವಿಸಲು ಪ್ರಾರಂಭಿಸುತ್ತವೆ. ಇದರಿಂದ ಈ ಹುಳುಗಳು ಮನೆಗೆ ಪ್ರವೇಶಿಸುವುದಿಲ್ಲ. ನೀವು ಮನೆಯನ್ನು ಒರೆಸುವಾಗ ನೀರಿನೊಂದಿಗೆ ಸೇರಿಸಿ ಉಪ್ಪನ್ನು ಬೆರೆಸಬಹುದು.

ತಗ್ಗುಗಳಿದ್ದರೆ ಮುಚ್ಚಬಹುದು: ಗೋಡೆಗಳು, ಮೂಲೆಯಲ್ಲಿರುವ ತಗ್ಗುಗಳು, ಕಿಟಕಿಗಳು ಮತ್ತು ಬಾಗಿಲುಗಳ ಸುತ್ತಲಿನ ಬಿರುಕುಗಳು ಹಾಗೂ ರಂಧ್ರಗಳನ್ನು ಸಿಮೆಂಟ್​ನಿಂದ ಮುಚ್ಚಿ. ಕಿಟಕಿಗಳು ಹಾಗೂ ಬಾಗಿಲುಗಳಿಗೆ ಅಳವಡಿಸಲಾದ ಜಾಲರಿಗಳನ್ನು ಸರಿಯಾಗಿ ಇದೆಯೇ ಎಂಬುದನ್ನು ಪರಿಶೀಲಿಸಬಹುದು. ಅವುಗಳನ್ನು ತಕ್ಷಣವೇ ಬದಲಾಯಿಸಬಹುದು. ಬಾಗಿಲುಗಳ ಕೆಳಗೆ ಕೀಟಗಳು ಒಳಗೆ ಬರಲು ಸ್ಥಳವಿದ್ದರೆ ಅದನ್ನು ಮುಚ್ಚಬೇಕಾಗುತ್ತದೆ.

ಪುದೀನಾ ಎಣ್ಣೆ: ಪುದೀನಾ ಎಣ್ಣೆಯು ಮನೆಯೊಳಗೆ ಕೀಟಗಳು ಪ್ರವೇಶಿಸುವುದನ್ನು ತಡೆಯುತ್ತದೆ. ಇದರಿಂದ ಪುದೀನಾ ಎಣ್ಣೆಯ ಕೆಲವು ಹನಿಗಳನ್ನು ನೀರಿನೊಂದಿಗೆ ಬೆರೆಸಿ ಸ್ಪ್ರೇ ಬಾಟಲಿಯಲ್ಲಿ ತುಂಬಿಸಿ. ಹುಳುಗಳು ಕಂಡುಬರುವ ಸ್ಥಳಗಳಲ್ಲಿ, ಬಾಗಿಲುಗಳ ಸುತ್ತಲೂ ಮತ್ತು ಕಿಟಕಿಗಳ ಸುತ್ತಲೂ ಸಿಂಪಡಿಸಿದರೆ ಜರಿ ಹುಳು ಈ ರೀತಿಯ ವಾಸನೆಯಿಂದ ದೂರ ಓಡುತ್ತವೆ ಎಂದು ತಜ್ಞರು ತಿಳಿಸುತ್ತಾರೆ.