ಗುಜರಾತ್ :ಸುರಕ್ಷಿತವಾಗಿ ಬಂದ ಸುನೀತಾ ವಿಲಿಯಮ್ಸ್ ಊರಿನಲ್ಲಿ ಹಬ್ಬದ ವಾತಾವರಣ.!!!
ಗುಜರಾತ್ನ ಮೆಹ್ಸಾನ್ ಜಿಲ್ಲೆಯ ಜುರಸಾಲ್ ಗ್ರಾಮದಲ್ಲೀಗ ಸಂಭ್ರಮ ಮನೆ ಮಾಡಿದೆ. ನಮ್ಮ ಮನೆ ಮಗಳು, ನಮ್ಮೂರಿನ ಹೆಮ್ಮೆಯ ಕುವರಿಯ ಸಾಧನೆಯನ್ನು ಕಂಡು ಕುಣಿದು ಕುಪ್ಪಳಿಸಿ ಸಂಭ್ರಮಾಚರಣೆ ಮಾಡಿದ್ದಾರೆ. ಇದೇ ಕೆಲವು ದಿನಗಳ ಹಿಂದೆ ಸುನೀತಾ ಸುರಕ್ಷಿತವಾಗಿ ಬರಲಿ ಎಂದು ಪೂಜೆ, ಹೋಮ ಹವನ ಮಾಡಿದ್ದರು.
ಇಂದು ಸುನೀತಾ ವಿಲಿಯಮ್ಸ್ ಸುರಕ್ಷಿತವಾಗಿ ಬಂದಿದ್ದಕ್ಕೆ ಪಟಾಕಿ ಸಿಡಿಸಿ ಸಂಭ್ರಮಿಸಿದ್ದಾರೆ.
ಸುನೀತಾ ವಿಲಿಯಮ್ಸ್ ತಂದೆ ದೀಪಕ್ ಪಾಂಡ್ಯಾ ಅವರು ಇದೇ ಗ್ರಾಮದವರು. ಸುನೀತಾ ವಿಲಿಯಮ್ಸ್ ವಂಶದ ಬೇರುಗಳು ಇಲ್ಲಿಯೇ ಇವೆ. ಈ ಗ್ರಾಮಕ್ಕೆ ಸುನೀತಾ ವಿಲಿಯಮ್ಸ್ ಈ ಹಿಂದೆ ಎರಡು ಬಾರಿ ಭೇಟಿ ನೀಡಿದ್ದರು. ಈಗ ತಮ್ಮೂರಿನ ಮಗಳು ಮೂರು ತಿಂಗಳುಗಳ ಕಾಲದ ಬಾಹ್ಯಾಕಾಶದ ಬದುಕಿನಿಂದ ಸುರಕ್ಷಿತವಾಗಿ ಭೂಮಿಗೆ ಬಂದಿದ್ದು ಅವರ ಹರ್ಷವನ್ನು ಇಮ್ಮಡಿಗೊಳಿಸಿದೆ. ಹೀಗಾಗಿ ಪಟಾಕಿ ಸಿಡಿಸಿ, ಕುಣಿದು ಕುಪ್ಪಳಿಸಿ ಜುರಸಾಲ್ ಗ್ರಾಮಸ್ಥರು ಸಂಭ್ರಮಿಸಿದ್ದಾರೆ